Almaty oblysynda jedel járdem qyzmetkerleri áıeldi úıinde bosandyryp aldy. Oqıǵa Qarasaı aýddanynyń İrgeli aýylynda bolǵan. Bul týraly Almaty oblysynyń Densaýlyq saqtaý basqarmasy habarlady. 

Turǵynnyń qońyraýynan keıin jedel járdem kóligi 20 mınýtta jetken. Alaıda áıeldiń tolǵaǵy 2 saǵat buryn bastalǵan. Medısına qyzmetkerleri júktiliktiń 39-40-shy aptasyndaǵy áıeldi úıinde bosandyryp alýǵa májbúr bolǵan. Shuǵyl shaqyrtýǵa 19/23 brıgada feldsheri Maqpal Qunafına men qosalqy feldsher Bahytgúl Rysmendıeva barǵan.

“Kele salyp naýqasqa jedel medısınalyq járdem kórsettik. Shaqyrtý túsken kezde dıspecher tolyq málimetti bergen bolatyn. Ýaqytty sozbaı birden bosandaryp alýǵa kóshtik” - deıdi, 19/23 brıgada feldsheri Maqpal Qunafına.

Jedel medısınalyq kómektiń arqasynda 19/23 brıgadasy áıeldi aman-esen bosandyryp, Qaskeleń aýdandyq aýrýhanasyna jetkizdi. Qazirgi ýaqytta áıel de, onyń sábıi de din aman.

Aıta keteıik, Almaty oblysynyń halyq sany 1 mln 582 myń 52 adamdy quraıdy. Sońǵy 6 aıdyń ishinde oblystyq jedel járdem qyzmetkerlerine 327 myń 566 shaqyrtý túsip, turǵyndarǵa qyzmet kórsetip keledi.