Almaty oblysyndaǵy demo­grafıalyq dúmpý men mıgra­sıalyq ahýal óńirdiń áleý­mettik qyzmettik kórsetý nysandaryna degen suranysty jyl saıyn arttyryp keledi.

2024 jyldyń 1 maýsymdaǵy statısıkaǵa sáıkes, Almaty oblysyndaǵy halyq sany 1543,6 myń adamǵa jetken. Onyń ishinde qalalalyqtardyń úlesi 248,7 myń adamdy, ıaǵnı  (16,1 paıyzdy) qurasa, 1294,9 myń adam (83,9 paıyz) aýyl turǵyndary.

Buǵan deıin halyq sany sońǵy jartyjyldyqta 9681 adamdy qurady. Al ótken jylda halyq sany 9712 adamdy quraǵan bolatyn. Sondaı-aq, bıylǵy jyldyń qańtar-mamyr aıynda týǵandar sany 13577 adamǵa jetse,  qaıtys bolǵandar sany 3896 adamdy qurady. Bul byltyrǵy jylmen salystyrǵanda 3,1 paıyzǵa kóbeıgen.

Kóshi-qon boıynsha 2740 adam qonys aýdaryp kelgen. Onyń ishinde syrtqy kóshi-qon boıynsha 1422 adam, (866), al ishki kóshi-qon boıynsha 1318 adam (32 adamdy) quraıdy.

Oblystaǵy halyq sanynyń ósýine oraı, áleýmettik qajettilik te týyndaıtyny belgili. Máselen, mektep, balabaqsha, emhana sekildi halyq úshin eń qajetti mekemeler halyq sanynyń ósýine oraı, salynyp otyrady. Almaty oblysyndaǵy demografıalyq jaǵdaıdyń ósýine oraı, aldaǵy ýaqytta 53 jańa mektep salynady. Máselen, Alataý qalasynda jaıly mektep jobasyna sáıkes, 900 oryndyq jańa mekteptiń qurylysy júrip jatyr.

Odan bólek, Almaty oblysy boıynsha  2024-2025 jyldary jalpy 53 jaıly mektep salynady. Onyń 600-den 1500 orynǵa deıingi syıymdylyǵy ártúrli 26 jaıly mektepti bıyl paıdalanýǵa berý josparlanyp otyr.

Al emhanaǵa kelsek, keshe ǵana İle aýdanyna qarasty Jaınaq aýylynda «Salaýmadın» ámbebap emhanasynyń irgetasy qalanǵan bolatyn. Sol keshenniń qurylysy aıaqtalyp, halyqqa qyzmet etetin ámbebap emhananyń tusaýy kesildi. Qazirgi ýaqytta emhana halyqqa qyzmet kórsetýdi bastap ketti.

Sonymen qatar Talǵar aýdandyq ortalyq aýrýhanasynda Almaty oblysy Densaýlyq saqtaý basqarmasynyń basshysy Almat Turysbekuly men «A-class medical» kompanıalarynyi qoldaýymen jańa emhana ashyldy. Mekemde mamandar densaýlyq saqtaý salasyndaǵy barlyq aqparatty taldap, ortalyq onlaın rejımde medısınalyq qyzmet kórsetý júıesi týraly aqparat bere otyryp, kúrdeli jáne synı jaǵdaılar týraly habarlaıdy. Bul ambýlatorıalyq-emhanalyq kómek kórsetý barysynda týyndaıtyn problemalardy tez arada sheshýge múmkindik beredi. Bul óńirdegi turǵyndardyń keleshekte densaýlyqtaryn ońtaılandyrýǵa basty sebep bolyp tabylady.