Eńbek jáne halyqty áleýmettik qorǵaý mınıstrligi sońǵy ýaqytta qaı salada jumysshylarǵa suranys artqanyn aıtty. 

"Negizgi bos jumys oryndarynyń jartysy, ıaǵnı 51,9 myń oryn bilim, densaýlyq saqtaý jáne basqa da qyzmet túrleri salalaryndaǵy kásiporyndarda baıqaldy. Ótken aımen salystyrǵanda ortasha bilikti jumysshylarǵa suranys 14% ósti, 6,1 myń bos jumys orny paıda boldy", – delingen eńbek mınıstrliginiń habarlamasynda.

Shilde aıynda eń kóp suranysqa ıe bolǵan mamandyqtar:

• Avtokólik júrgizýshileri (2 myń bos jumys orny jáne 2,3 myń túıindeme);
• Tárbıeshiler (2,1 myń túıindeme jáne 1,9 myń bos oryn);
• Medbıkeler (2 myń túıindeme jáne 1,6 myń bos oryn).

Bir aıda suranys artqan mamandyqtar:

• Tiginshi – 600 bos jumys orny,
• Matematıka muǵalimi – 320 bos jumys orny
• Tárbıeshiniń kómekshisi – 300 bos jumys orny.