Zańger Halıda Ájiǵulova talapkerlerge sotqa deıingi talap-aryzdarmen kómektesýge, olardyń múddelerin sotta qorǵaýǵa jáne qajet bolǵan jaǵdaıda BUU-nyń balalar quqyqtary jónindegi komıtetine júginýge daıyn ekenin aıtty.

"Qazir maǵan joǵary bal jınaǵan, biraq apattan zardap shekkenderge arnalǵan jańa kvotaǵa baılanysty grant ala almaǵan 20-dan astam talapker habarlasty, barlyǵy sot prosesine qosylǵysy keledi. Birneshe talap qoıýshy bir jaýapkerge birdeı talap qoıa alady. Alaıda tipti bir ótinish berýshiniń ózi de mınıstrliktiń jańa kvota engizý týraly buıryǵyna shaǵymdaný úshin sotqa óz betinshe shaǵymdanýǵa quqyly", – dedi zańger.

Onyń aıtýynsha, qazir ol talapkerlermen birge mınıstrliktiń qoldanystaǵy zańnamany, onyń ishinde memlekettik bilim granttaryn taǵaıyndaý jáne balalardy kemsitýshilikten qorǵaý týraly buıryqtardy buzǵan jaǵdaılaryn anyqtaýda.

"Biz mınıstrliktiń qandaı oımen osy jańa kvotany engizip, onyń kólemin aıtarlyqtaı joǵary deńgeıde – barlyq granttardyń 20%-yn belgileý týraly sheshim qabyldaǵanyn túsine almaımyz. Nelikten 20%? Bul kórsetkish naqty qaıdan paıda boldy? Qandaı esep boıynsha? Nege 10% emes? Nege 5% emes? Mysaly, jetim jáne múmkindigi shekteýli balalarǵa jyl saıynǵy kvota nebári 1%, kóp balaly otbasy balalaryna 5% quraıdy”, – deıdi zańger. 

Halıda Ájiǵulova eger mınıstrliktiń zańdy buzǵany dáleldense sotqa shaǵymdanatynyn, qajet bolǵan jaǵdaıda konstıtýsıalyq sotqa júginetinin atap ótti. Onyń aıtýynsha, eger qazaqstandyq sottar talapkerlerdiń quqyǵyn qorǵamasa balalar men olardyń ata-analary óz quqyqtaryn kemsitýshilikten qorǵaý úshin BUU-nyń bala quqyqtary jónindegi komıtetine júginýge quqyly.