Irak parlamentinde bul bastama shııt partıalary arasynda qoldaý tabýda. Ózgeristi jaqtaýshylardyń aıtýynsha bul barlyq musylmandar úshin mindetti dep sanalatyn sharıǵat normalaryna saı. 

Alaıda, synshylar mundaı ózgerister adam quqyqtarynyń, ásirese áıelder men balalar quqyǵynyń buzylýyna ákelýi múmkin ekenin eskertýde. Olar neke jasynyń tómendeýi qyzdardyń bilim alý jáne tolyqqandy damý múmkindiginen aıyratynyn jetkizýde. Bul balalar nekesiniń kóbeıýine sebep bolady.

Halyqaralyq uıymdar, sonyń ishinde BUU, sondaı-aq Iraktyń quqyq qorǵaýshylary bul túzetýlerge alańdaýshylyq bildirýde. Olar Irak úkimetin zań jobasyn qaıta qaraýǵa jáne balalardyń quqyqtaryn qorǵaýdyń halyqaralyq standarttaryn saqtaýǵa shaqyrady.

Irakta nekege turý jasyn tómendetý máselesi ishki jáne halyqaralyq arenada belsendi pikirtalas pen syn týdyrady.