"Aýyryp em izdegenshe, aýyrmaıtyn jol izde" demekshi, túrli qaterli dertterdiń aldyn alý úshin elimizde úsh kúndik áleýmettik demalys kez kelgen qyzmetkege beriledi. Sol ýaqytta azamattar skrınıngtik zertteýlerden ótse, áıelder júktiliktiń 12 aptasyna deıin medısınalyq esepke turý úshin demalys ala alady.

Densaýlyq saqtaý júıesi týraly kodekstiń 80-babynyń 3-tarmaǵyna sáıkes, el azamattary mundaı medısınalyq tekseristen ótýge mindetti. Sebebi aýrýdy erte anyqtap, qaýipti faktorlardy boldyrmaýǵa baǵyttalǵan. Negizinen skrınıngtiń birneshe túri bar. Máselen, qan aınalymy júıesiniń negizgi aýrýlary, qant dıabeti, glaýkoma, sonymen birge adamdarda sozylmaly V jáne S gepatıti boıynsha da skrınıng bar.

Al belgili bir jasqa tolǵan qazaqstandyqtar úshin onkoskrınıngtiń úsh túri qarastyrylǵan.

“Qaterli isikke shaldyqqan skrınıngti 40 jastan 70 jasqa deıingi áıelder eki jylda 1 ret ótedi. Jatyr moıyn qaterli isiginiń skrınıngi 30-70 jasqa deıingi áıelder 4 jylda 1 ret ótedi. Kolorektaldy qaterli isikke skrınıngi ol 50 jastan 70 jasqa deıingi áıelder men erkekter 4 jylda 1 ret ótedi”, – deıdi HR-menedjer Balaýsa Karsembaeva. 

Úsh kúndik demalysqa shyqqan jumysshylardyń ortasha jalaqysy men laýazymyn jumys berýshi tolyqtaı saqtaýǵa mindetti.

Budan bólek azamattar muny kez-kelgen ýaqytta ala almaıdy. Merzimi kelgen mezette arnaıy anyqtamany basshylyqqa usynyp turǵylyqty jerindegi emhanadan ótýi tıis. Al medısınalyq zertteýden ótýge qyzmetkerin jibermegen jaǵdaıda árbir adam eńbek jónindegi ýákiletti memlekettik organnyń aýmaqtyq bólimshesine júginýine quqyly