Elordada TikTok jelisinde qumar oıyn uıymdastyrǵan eki turǵyn sottaldy. Bul týraly Astana prokýratýrasy habarlady. 

Olar aldyn ala sóz baılasý arqyly TikTok áleýmettik jelisinde "Zarık" atty qumar oıynyn uıymdastaryp, 34 mln teńge tabys tapqan.

Oıyn shartyna sáıkes, tikeleı efırge qosylǵan azamattar 500-den 4000 teńgege deıingi mólsherdegi belgilengen somany uıymdastyrýshynyń esepshotyna esimin jáne utys alý úshin jeke telefon nómirin kórsete otyryp joldaıdy. Bir oıyn tek eki qarsylastyń arasynda ótedi.

Jeńimpaz 3 oıyn tekshesin aınaldyrý arqyly anyqtalǵan. 

Sot úkimimen 2 qala turǵyny Qazaqstan Respýblıkasynyń oıyn bıznesi týraly zańnamasynda belgilengen oryndardan tys jerlerde qumar oıyndardy uıymdastyrǵany jáne ótkizgeni úshin  4 jylǵa bas bostandyǵynan aıyryldy.