"Sonymen, 14 tamyz saǵat 08:00-den 15 tamyz 20:00-ge deıin Dostyq dańǵylynan Lýganskogo kóshesine deıingi aýmaqta kólik qozǵalysy shekteledi. Aınalma jol shyǵys baǵytta Qurmanǵazy kóshesiniń boıymen, al batys baǵytta Integral jáne Injenernaıa kósheleri boıymen júzege asyrylady", - delingen habarlamada.

Jóndelgen ýchaskede eskertý belgileri men merdiger mekeme basshysynyń baılanys aqparaty bar stendter ilinetini habarlandy. Eske salsaq, Almaty qalalyq polısıa departamentiniń Jergilikti polısıa qyzmeti basqarmasy, jol jumystaryna baılanysty Rysqulov dańǵyly boıymen shyǵys baǵytta Kúderın kóshesinen Bókeıhanov kóshesine deıin kólik qozǵalysyna ýaqytsha shekteý qoıylǵanyn habarlaǵan edi. Atalǵan aımaqtaǵy qozǵalys shyǵysqa qaraı, qarama-qarsy qozǵalys jolaǵynda uıymdastyryldy.