Memleket basshysynyń baspasóz hatshysy Berik Ýálıdiń sózinshe,Toqaev Ulttyq qurama múshelerimen 15 tamyzda kezdesýdi josparlaǵan. 

“Memleket basshysy 14 tamyzda Parıj Olımpıadasynyń júldegerleri men bapkerler quramyn memlekettik nagradalarmen marapattaý týraly jarlyqqa qol qoıdy. Prezıdent Ulttyq qurama múshelerimen búgin kezdesýdi josparlaǵan edi. Ókinishke oraı, atletter men jattyqtyrýshylardyń jartysynan koronavırýs ınfeksıasy anyqtaldy. Sol sebepti kezdesý keıinge shegerildi. Sportshylar men bapkerlerdiń tezirek saýyǵyp ketýine tilektespiz”, – dedi Berik Ýálı.

Sondaı-aq ol memleket basshysy Olımpıada júldegerlerin mindetti túrde qabyldaıtynyn jetkizdi. Kezdesý tamyz aıynyń sońyna josparlanǵan eken. 

Týrızm jáne sport mınıstrligi qansha sportshynyń koronavırýs ınfeksıasyn juqtyrǵanyn habarlady.

"Komandanyń úsh júldegeri men eki jattyqtyrýshysynan COVID-19 anyqtaldy. Olardyń PTR testi oń nátıje berdi. Olar qazir oqshaýlanǵan", – delingen habarlamada.

Mınıstrliktiń málimetinshe, sportshylar em qabyldap jatyr.

"Aýrý jeńil. Olardyń tezirek saýyǵyp ketýin tileımiz. Komandanyń basqa múshelerinen vırýs anyqtalǵan joq", – dedi mınıstrlik. 

Aıta keteıik, buǵan deıin 14 tamyzda Memleket basshysy Qasym-Jomart Toqaev Parıj Olımpıadasy jeńimpazdary men bapkerlerin marapattaǵan edi.