2023 jyldyń qorytyndysyna saı, qazaqstandyqtardyń ómir súrý uzaqtyǵy óziniń maksımaldyq mánin kórsetip, 75,09 jasqa jetken, dep habarlady ranking.kz.

Elde ómir súrý uzaqtyǵy pandemıa kezin eseptemegende jyl saıyn joǵarylap keledi. Aımaqtar arasynda ómir súrý uzaqtyǵy Almatyda 78,28 jas, Astanada 78,09, Shymkentte 76,32, Mańǵystaý oblysynda 75,84, Atyraý oblysynda 75,29 jas.

Ómir súrý uzaqtyǵy qarttardyń artýyna áser etýde. 2024 jyldyń basynda elde 60 jastan asqan 2,7 mln adam turǵan. Bul – bir jyl burynǵydan 4,2 paıyzǵa joǵary, al sońǵy on jyldaǵy ósim jylyna 4,4 paıyzǵa teń.

Búginde el turǵyndarynyń 13,6%-y qart adamdar. Kórsetkish 2020 jyly 12%, 2010 jyly 9,8% bolǵan. Demograftar qart adamdar aldaǵy ýaqytta arta beretinin aıtady.