Qazaqstan elektr energıasyn Eýropaǵa eksporttaýy múmkin. Bul týraly Aqorda arnaıy jobasyna bergen suhbatynda Ázerbaıjandaǵy Qazaqstannyń elshisi aıtty. Taraptar talqylaýdy bastap ketken. Qazir eki el arasyndaǵy alys-beris jarty mıllıard dollardan asqan. Ony kóbeıtýge Transkaspıı halyqaralyq kólik dálizi úlken septigin tıgizip otyr.

Álim Baıel, Qazaqstannyń Ázerbaıjandaǵy tótenshe jáne ókiletti elshisi:

- Bıyl Qazaqstan munaıyn Ázerbaıjan aýmaǵy arqyly Batysqa qaraı tasymaldaý bastaldy. Bul da strategıalyq mańyzdy joba. Basqa da iri jobalar talqylanyp jatyr. Ázerbaıjan arqyly Qazaqstannyń elektr energıasyn Eýropaǵa qaraı eksporttaý sıaqty. Bul endi ázirge ıdeıa. Biraq talqylana bastady, - deıdi.