SHQO Katonqaraǵaı aýdanynyń prokýratýrasy júktilik týraly anyqtamanyń – resmı qujatyn qoldan jasaý jáne paıdalaný faktisin anyqtaǵanyn habarlady.

Aýdan turǵyny aýdandyq aýrýhanada gınekologtyń feldsheri bolyp jumys istep júrip, óziniń júktiligi týraly jalǵan anyqtama bergen. Ol bul qujatty sotta qamaýǵa alý túrindegi ákimshilik jazany boldyrmaý úshin paıdalanǵan.

"Prokýrorlyq tekserý qorytyndysy boıynsha usynylǵan anyqtamanyń jalǵan ekeni anyqtaldy. Birinshi satydaǵy sot aktisi aýdan prokýratýrasynyń ótinishi negizinde ózgertilip, Q. 20 táýlikke ákimshilik qamaýǵa alyndy. Q.-nyń júktiligi týraly anyqtamany daıyndap, paıdalanýyna baılanysty aýdan prokýratýrasy Qazaqstan Respýblıkasy Qylmystyq kodeksiniń 385-babynyń 1 jáne 3-bólikteri boıynsha sotqa deıingi tergep-tekserýdi bastady. 2024 jyly 8 tamyzda sot K.-ny taǵylǵan aıyptar boıynsha kináli dep taýyp, bir jylǵa bas bostandyǵyn shekteý jazasyna sottady" delingen habarlamada.