Telearna málimetinshe, jedel medısınalyq járdem stansasy jeke kompanıamen 25 kólik quralyn jalǵa alý týraly kelisimge otyrǵan. Olar dárigerlerdi naýqastarǵa tasıdy. Aı saıyn 25 kólikke 25 mıllıon teńge ketedi. Olar tek úshinshi jáne tórtinshi sanattaǵy shaqyrtýǵa barady. Jaýapty mekeme ókilderiniń aıtýynsha, tehnıka tapshylyǵy men kómek kórsetý ýaqytyn aıtarlyqtaı qysqartýǵa múmkindik beredi. Astanadaǵy jedel medısınalyq járdem stansasynda 59 kólik bar. Olar birinshi jáne ekinshi sanattaǵy naýqastardyń shaqyrtýyna barady. Al 60 kólik jóndeýde tur. 

"Úshinshi jáne tórtinshi sanattaǵy shaqyrtý ortalyqqa kelip túsetin qońyraýdyń 70-80 paıyzyn quraıdy. Osyndaı jeńil shaqyrtýlarǵa jalǵa alynǵan kólikter baryp júr. Astana qalasy ákimdiginiń qoldaýymen 70-ke jýyq transport satyp alý josparlanǵan. Jańa kólikter jyldyń sońyna deıin kelýi kerek. Eger olar kelse, jalǵa alǵan kompanıamen kelisimdi buzamyz. Bul –ýaqytsha qolǵa alynǵan shara", – dedi Jedel medısınalyq járdem stansasy basshysynyń mindetin atqarýshy Nurdanat Berkinǵalı.