Eńbek jáne halyqty áleýmettik qorǵaý mınıstrligi ataýly áleýmettik kómek kórsetýdiń jańa tásilderin talqylady.
Áleýmettik kómek departamentiniń basshysy Aınur Ábdirahmanova mınıstrligik múddeli memlekettik organdarmen birlesip AÁK taǵaıyndaýǵa úmitkerlerdiń negizgi shyǵystaryn esepke alý jáne verıfıkasıalaý tetigin pysyqtap jatqanyn habarlady.
Oǵan saı, jyljymaly nemese jyljymaıtyn múlikti satyp alýǵa, oqý aqysy men qosymsha bilim alýǵa, demalys pen oıyn-saýyqqa, saýyqtyrýǵa, jıhaz, turmystyq tehnıka zattaryn satyp alýǵa, kredıtterdi óteýge jáne t.b. shyǵystardyń túrlerin qarastyrý josparlanýda.
– Usynylyp otyrǵan algorıtm AÁK taǵaıyndaýǵa ótinish bergen azamattarǵa olardyń kiristeri men shyǵystaryn tekserýge kelisim alý úshin SMS-habarlama jiberýdi kózdeıdi. Bul banktik qupıany ashý jáne úshinshi tulǵalarǵa aqparatqa qol jetkizýge qatysty emes. Tekserýler aqparattyq júıelerdi ıntegrasıalaý esebinen avtomatty túrde júrgiziletin bolady, – dedi Aınur Ábdirahmanova.
Pikir qaldyrý