Óskemen qalasynyń №2 soty Qaırat Satybaldynyń jazasynyń ótelmegen bóligin jazanyń neǵurlym jeńil túrine aýystyrý týraly ótinishhatyn qanaǵattandyrdy.
Oǵan saı, jazanyń ótelmegen 3 jyl 3 aı 7 kúni jazanyń neǵurlym jeńil túri - bas bostandyǵyn shekteýge aýystyrylady.
Sot málimetinshe, Satybaldynyń jazasyn jeńildetýge, onyń jaza merziminiń keminde 1/3 bóligin ótegeni, keltirilgen zalaldy (700 mlrd teńge) tolyq qaıtarǵany, jazany óteý tártibin buzbaǵany sebep bolǵan.
Qaırat Satybaldy QR QK-niń 28-baby 3-bóligimen, 189-baptyń 4-bóligi 2) tarmaǵy (senip tapsyrylǵannyń múlkin jymqyrý), 28-baptyń 3-bóligi, 195-baptyń 2-tarmaǵy (urlyq jasaý maqsatynsyz zalal keltirý) boıynsha múlki tárkilenip, memlekettik qyzmet atqarý quqyǵynan 10 jylǵa deıingi merzimge aıyra otyryp, 6 jylǵa bas bostandyǵynan aıyrý jazasyna sottalǵan.
Pikir qaldyrý