Qarjylyq monıtorıń agenttigi Ulttyq bankpen birlese otyryp birqatar nesıe paıyzdaryn tómendetý týraly qaýly shyǵarǵanyn habarlady.

Oǵan saı, tómendegideı paıyzdyq mólsherlemeler tómendetiledi:

♦ kepilsiz bank qaryzdary men shaǵyn nesıe uıymdaryndaǵy shaǵyn nesıelerdiń jyldyq maksımaldyq syıaqysynyń tıimdi mólsherlemesi 56-dan 46%-ǵa deıin;

♦ kepildi bank zaımdary 40-tan 35%-ǵa deıin;

♦ ıpotekalyq zaımdar 25%-ǵa deıin.

45 kúnge deıingi mıkronesıelerdiń kúndik nomınaldy mólsherlemesi 1-den 0,3%-ǵa tómendetilip, jyldyq syıaqy mólsherlemesiniń shekti máni 179% shamasynda belgilendi. Mundaı zaımdardyń maksımaldyq somasy 50-den 45 AEK-ke nemese 184,6 myńnan 166,14 myń teńgege deıin azaıtylady.

Sondaı-aq tutynýshylyq nesıeler men mıkronesıelerdiń maksımaldyq somasy belgilendi:

kepilsiz bank qaryzdary boıynsha  – 2200 AEK (8 122 400 teńge);
kepilsiz mıkronesıeler boıynsha – 1 100 AEK (4 061 200 teńge);
lombardtardaǵy mıkronesıeler boıynsha – 8 000 AEK (29 536 000 teńge);
shaǵynnesıe uıymdaryndaǵy shaǵynnesıeler boıynsha – 20 000 AEK (73 840 000 teńge).