Grantqa ilinbeı qalǵan túlekterge áli de múmkindik bar. Búgin úkimette ótken jınalysta Ǵylym jáne joǵarǵy bilim mınıstri Saıasat Nurbek osyndaı jaǵymdy jańalyqpen bólisti. Oqý oryndaryndaǵy ataýly rektor taǵaıyndaıtyn granttardan bólek, elimizdegi iri kompanıalar da jeke grant bólýde. Olardyń jalpy sany 10 myńǵa jýyqtaıdy. Ony tegin oqýǵa túse almaǵan, alaıda joǵary bal jınaǵan túlek utyp alady. 

Búgin Úkimet otyrysy jańa oqý jylynyń bastalýyna arnaldy. Bilimge jaýapty qos mınıstr jeke-jeke baıandama jasady. Orta bilimge jaýapty bas muǵalim Ǵanı Beısembaev elimizdiń barlyq mektepteri aldaǵy jańa oqý jylyna daıyn. Bıyl bilim kúni alǵashqy qońyraý 4 mln.-ǵa jýyq oqýshy úshin jeksenbide soǵylady dedi. Odan bólek, bıyl mektepter men balabaqshalarda qaýipsizdik sharalary kúsheıedi. Mektepterdiń ár buryshyna dabyl túımesi qoıylyp, beınebaqylaý kameralarynyń sany kóbeıedi. 

ǴANI BEISEMBAEV QR OQÝ-AǴARTÝ MINISTRİ: «Jańa oqý jylynda 1 qyrkúıekten bastap 7,9 myń bilim uıymynda 3,9 mln bala bilim alady, onyń 360 myńy – birinshi synyp oqýshylary. Búginde aqparat boıynsha óńirlerdiń oqýlyqtarmen qamtamasyz etýi 90% jetip otyr. Osy jyldyń 25 tamyzyna deıin oqýshylardy oqýlyqtarmen tolyq qamtýdy barlyq óńirler aıaqtaýǵa tıis. Ákimdikter tarapynan tegin tamaqtandyrýdy uıymdastyrý úshin qajetti qarajat bólinip otyr. Bıyl qyrkúıekten bastap 1,7 mln oqýshy tegin tamaqtanatyn bolady. Bul kórsetkish ótken jylmen salystyrǵanda 100 myń balaǵa artyp otyr. Jyl saıyn áleýmettik osal sanattaǵy otbasylarǵa kómek kórsetilip keledi. Bıylda 510 myń balany mektepke daıyndalýǵa qajetti kómekpen qamtý kózdelgen».

Al, Ǵylym jáne joǵarǵy bilim mınıtsri Saıasat Nurbek bolsa, daýly grant máselesine qatysty shýdyń núktesin qoıdy. Joǵary bal alyp turyp grantqa ótpegender demek, ol mamandyqqa degen konkýrstyń qatty bolǵany dedi. Mınıstrdiń aıtýynsha, grant kóbine memlekettik tapsyrystyń aıasyndaǵy mamandyqtarǵa kóp bólingen. Alaıda, UBT-dan joǵary bala alyp turyp, tegin bilim alýǵa ótpegender úshin áli de múmkindik bar dep qýantty. 

SAIASAT NURBEK QR ǴYLYM JÁNE JOǴARǴY BİLİM MINISTRİ: «Birinshiden jergilikti ákimder granttar bóldi. 3000-daı grant.  KazEnergy qaýymdastyǵynyń granttary bar. H.A.Iassaýı atyndaǵy Halyqaralyq qazaq-túrik ýnıversıtetinde bilim alý úshin Túrik Respýblıkasynyń 500 granty berildi. Freedom Finance Group kompanıasynan 400 grant keshe bólindi. Túrkistandaǵy Halyqaralyq týrızm jáne qonaqjaılylyq ýnıversıteti 800maqsatty grant usyndy. «Qazaqstan halqyna» qory 850 grant bóledi. Sonymen qatar, Sátbaev, Esenov, Amanjolov, Toraıǵyrov, Turan-Astana jáne taǵy basqa ýnıversıtetter rektorlyq 3000-daı granttar beredi. 8000-10000-ǵa jýyq qosymsha granttar beriletin bolady». 

Bıyl oqýǵa túsken túlekter úshin jataqhanamen problema bolmaıdy dep sendirdi jaýapty mınıstr.