Abaı oblysynda eki temirjolshy arnaıy sqema quryp, 2022 jyldyń qańtarynan sáýirine deıin 920 mıllıon teńge turatyn dızel otynyn urlap kelgen. Bul týraly Bas kólik prokýratýrasy habarlady.
"Sotta memlekettik aıyptaýshy sottalǵandardyń júıeli túrde qatty jel turdy dep jalǵan baıandama jasap kelgenin dáleldedi, lokomotıvterdi paıdalaný kezinde dızeldik otyn shyǵynynyń ulǵaıý sebebin túsindirý úshin olar osylaısha 3 myń tonnadan astam janarmaı urlaǵan" – delingen resmı málimdemede.
Sot depo bastyǵyn 8 jylǵa, mashınısti 7 jylǵa sottady. Sonymen qatar, ekeýi de materıaldyq jaýapty qyzmet atqarý quqyǵynan aıyryldy. Sondaı-aq, sot olarǵa keltirilgen shyǵyndy óteýge mindettedi.
