Amerıkalyq bıznesmen Edgar Bronfman Paramount pen Skydance kompanıalary arasynda  jasalǵan birigý týraly kelisimniń kúshin joıyp, kompanıany óz baqylaýyna alý úshin 5,5 mıllıard dollar usynǵan. Ony basqa da bedeldi kásipkerler qoldap, óz usynystaryn ortaǵa saldy. Olardyń arasynda Nuráli Álıev, BC Partners Credit jeke ınvestısıalyq toby, prodúser Stıven Pol men krıptokásipker Brok Pırs te bar. Bul týraly Financial Times basylymy habarlady.

Shildeniń basynda Paramount Global men Skydance Media kompanıalary birigetini týraly aqparat taraǵan. Bronfman Paramount kompanıasyn birigý týraly kelisimsharttan bas tartqyzý úshin baryn salǵan. Bastapqyda 4,3 mlrd dollar usynyp, soma Álıev, Pol, Pırstardyń qoldaýynan keıin ulǵaıtylǵan.

Aıta keteıik, Nuráli Álıev – Qazaqstannyń burynǵy prezıdenti Nursultan Nazarbaevtyń jıeni, Darıǵa Nazarbaevanyń uly. Ol Forbes.kz nusqasy boıynsha Qazaqstandaǵy eń baı bıznesmender tiziminde 41-orynda. Onyń baılyǵy 220 mln dollarǵa baǵalanady. Nazarbaevtyń jıeni "Transtelekom", Capital Holding jáne Darmen Holding kompanıalarynyń negizgi aksıalaryna ıe. Sondaı-aq onyń Dýbaıda Donatello Hotels and Resorts, Almatyda Donatello býtık-qonaq úıi jáne Almaty men Astanada birneshe meıramhanasy bar.