Premer-mınıstrdiń orynbasary Tamara Dúısenova "Digital Kazakhstan: zamanaýı bilim berý" respýblıkalyq tamyz samıtinde kolejdi úzdik bitirgen stýdentterdi emtıhan qabyldamastan ýnıversıtetke qabyldaýdy usyndy.

Onyń aıtýynsha, Qazaqstanda mundaı tájirıbe buryn bolǵan ári ol jemisin bergen. Bul úshin joǵary oqý oryndary men kolejderdiń bilim berý baǵdarlamalary arasyndaǵy sabaqtastyqty qamtamasyz etý qajet. 

"Mysaly, buǵan tartylǵan bedeldi joǵary oqý oryndary joǵary deńgeıdegi ınjenerlerdi daıarlasa, onda kolejer tıisinshe tehnıktermen, tehnologtarmen, jańa býyn mehanıkterimen JOO-ny tolyqtyrýǵa tıis. Munda buryn tehnıkýmdardy úzdik aıaqtaǵan tulǵalar JOO-nyń úshinshi kýrsyna emtıhansyz qabyldanǵanyn eske salǵym keledi. Bul tájirıbe mamandardyń biliktiligine qoıylatyn jańa talaptardy eskere otyryp, jańartylýy tıis", – dedi Tamara Dúısenova.

Derekkez: QazAqparat