Bıyl 20 shildede Qaraǵandydaǵy "YDD Corporation" JSHS feroqorytpa zaýytynda bolǵan apatty tergeý úshin qurylǵan arnaıy komısıa kiná jumys berýshiden ekenin anyqtady. Bul týraly Eńbek jáne halyqty áleýmettik qorǵaý mınıstrligi habarlady.
"Kásiporynda travmatıkalyq faktorlardyń áserin boldyrmaý úshin shuǵyl sharalar tıisti dárejede qabyldanbaǵany, qaýipsiz eńbek jaǵdaılary men qyzmetkerlerdiń erejelerdi, nusqaýlyqtardy jáne tehnologıalyq tártipti saqtaýyn baqylaý elementteri tıisti dárejede jasalmaǵany anyqtaldy" – delingen resmı málimdemede.
Tergeý nátıjeleri jáne jınalǵan barlyq materıaldar jazataıym oqıǵaǵa kináli dep tanylǵan adamdardy jaýapqa tartý úshin quqyq qorǵaý organdaryna beriledi.
Eske sala ketsek, 20 shildede Qaraǵandydaǵy feroqorytpa zaýytynda apat bolyp, saldarynan 8 jumysshy kúıip qalǵan bolatyn. Zardap shekken jumysshylardyń tórteýi qaza tapqan edi.
Pikir qaldyrý