"Bokstan erler quramasy barlyq salmaq dárejesinde baq synady. Qabyldanǵan mindettemelerge sáıkes olar 1 altyn, 1 kúmis jáne 1 qola medalmen oralýǵa ýáde berdi. Al komanda tek 1 kúmis júlde jeńip aldy. Ekinshi Olımpıada qatarynan sportshylar birde-bir altyn medal ala almady.

Qazaqstandyq boks mektebi óziniń kóshbasshy pozısıasynyń arqasynda álemdik sport arenasynda árqashan tanymal boldy. Bizdiń boksshylar 1996 jyldan beri óner kórsetip keledi. Barlyǵy 61 sportshy qatysyp, 22 medal jeńip aldy: 7 altyn, 7 kúmis jáne 8 qola.

Bokstan ulttyq qurama bul Olımpıadada eń jaqsy nátıje kórsete alǵan joq", - dedi mınıstr. Aıta keteıik, Parıj Olımpıadasynda Qazaqstan erler quramasynan 7 boksshynyń ishinen tek Nurbek Oralbaı (80 kg) júlde ıelendi. Ol 80 kg salmaq dárejesinde kúmis medal enshiledi. Al áıelder arasynda Nazym Qyzaıbaı (50 kg) qola júldeger atandy.

Osyǵan deıin Ermek Marjyqpaev Olımpıadada Qazaqstan úshin dástúrli sanalatyn sport túrlerinen daıyndyq tómen, nátıje nashar bolyp shyqqanyn aıtqan edi.