Májilis depýtaty Asqar Sadyqovtan depýtattyq mandaty alyndy. Bul týraly Ortalyq saılaý komısıasy habarlady.

""Aq jol" Qazaqstannyń demokratıalyq partıasy" qoǵamdyq birlestigi Ulttyq keńesiniń 2024 jylǵy 1 shildedegi №1 qaýlycynyń qabyldanýyna baılanysty Asqar Amanbaıuly Sadyqov Qazaqstan Respýblıkasy Parlamenti Májilisiniń depýtaty ókilettigin joǵaltty dep tanylsyn" delingen OSK qaýlysynda.

Partıa tóraǵasy Azat Perýashev bul sheshimge A. Sadyqovtyń depýtattyń mártebesine saı kelmeıtin áreketterge barǵany negiz bolǵanyn málim etti.

"Atalmysh faktini partıalyq organdar óz betinshe anyqtaǵan jáne QDP plenýmynda qaralǵan soń, A. Sadyqov partıadan shyǵaryldy, soǵan baılanysty ol depýtattyq mandatynan aıyryldy" delingen Perýashevtiń telegram arnasyndaǵy jazbada.