Japonıada 2024 jyldyń alǵashqy jartysynda 40 myńǵa jýyq adam óziniń úıinde jalǵyzdyqta kóz jumǵan, dep habarlady VVS.

Ulttyq polısıa agenttiginiń dereginshe, 4 myń adamnyń denesi qaıtys bolǵanyna aı ótkennen keıin, 130 máıit jyl ótkennen keıin anyqtalǵan.

BUU málimetteri Japonıa qarttar sany jóninen álemde birinshi orynda ekenin kórsetedi. Japonıanyń halyq sany jáne onyń áleýmettik qamtylýy týraly ulttyq ınstıtýty 2050 jylǵa qaraı elde 65 jastan asqan jalǵyzbasty azamattar sany 10,8 mln adamǵa jetetinin boljap otyr.

Sáýir aıynda japon úkimeti jalǵyzdyq pen qoǵamnan oqshaýlaný máselesin sheshýge baǵyttalǵan zań jobasyn tanystyrǵan. Elde ulttyq qartaıý máselesi birneshe ondaǵan jyldan beri óte ózekti. Japonıa ulttyq qartaıý men halyq sanynyń azaıýyna qarsy tura almaı kele jatqan elderdiń biri. Byltyr eldiń premer-mınıstri Fýmıo Kısıda Japonıa týý kórsetkishiniń tómendigine baılanysty qoǵam retinde áreket etýin doǵarýdyń az-aq aldynda dep dabyl qaqqan.

Týýy kórsetkishiniń tómendiginen ulttyń qartaıý prosesi Japonıadan bólek, Qytaı men Ońtústik Koreıada da jyldam beleń alyp keledi.