Bıshimbaev isi boıynsha aıypty dep tanylyp, 4 jylǵa bas bostandyǵynan aıyrylǵan Baqytjan Baıjanovtyń shaǵymy Joǵarǵy sotta qaralmaıtyn boldy. Buǵan Baıjanovtyń sot sheshimin qaıta qaraý týraly kasasıalyq aryzynan bas tartýy sebep bolǵan.  Bul týraly Joǵarǵy sot málimdedi. 

"26 tamyzda Baıjanov sot aktilerin qaıta qaraý týraly kasasıalyq ótinishin qaıtaryp aldy. Ótinishti aldyn ala qaraý júrgizilmeıdi. Ótinishti qaıtarý týraly resmı qaýly 4 qyrkúıekte shyǵady", – delingen habarlamada. 

Eske sala keteıik, Baqytjan Baıjanov áıeli Saltanat Núkenovany óltirgeni úshin sottalǵan eks-mınıstr Qýandyq Bıshimbaevtyń isi boıynsha aıyptalǵandardyń biri. Oǵan atalǵan qylmystyq is boıynsha "kisi óltirý faktisin jasyrdy" degen aıyp taǵylǵan bolatyn.