Erbol Myrzabosynov Týrızm jáne sport mınıstri laýazymyna taǵaıyndaldy. Bul týraly Aqorda habarlady. 

Erbol Myrzabosynov 1984 jyly Shyǵys Qazaqstan oblysynda dúnıege kelgen.

Semeı memlekettik pedagogıkalyq ınstıtýtyn, Qazaq gýmanıtarlyq-zań ınovasıalyq ýnıversıtetin, Qazaq sport jáne týrızm akademıasyn bitirgen.

Eńbek jolyn 2005 jyly Semeı memlekettik pedagogıkalyq ınstıtýty Dene shynyqtyrý jáne sport teorıasy men ádistemesi kafedrasynyń asıstenti, jattyqtyrýshy-oqytýshysy bolyp bastady.

2009-2014 jj. – Semeı qalasynyń memlekettik pedagogıkalyq ınstıtýtynyń dene tárbıesi kafedrasynyń oqytýshysy; meńgerýshisi.

2006-2018 jj. – "Shyǵys Qazaqstan oblystyq buqaralyq sporttaǵy joǵary sport sheberligi mektebi" KMM jattyqtyrýshy-oqytýshysy.

2018-2020 jj. "Qyzyljar Arlandary" sport klýbynyń dırektory bolyp jumys istedi.

2020-2021 jj. – "Qazaq kuresi" qaýymdastyǵynyń basqarýshy dırektory.

2021-2023 jyldary Dene shynyqtyrý jáne buqaralyq sport akademıasynyń rektory boldy.

2023 jyldan bastap Sport komıtetiniń tóraǵasy bolǵan.