“Máselen, 2021 jyldan bastap 2,5 myńǵa jýyq aýyl ákimi saılandy. Bul – aýyldyq eldi meken basshylarynyń jalpy sanynyń 90%-y. Qalǵandary ákimniń ókilettik merzimi aıaqtalǵan kezde retimen saılana beredi. Jańa ákimderdiń 60 paıyzy buryn memlekettik qyzmette jumys istemegen. Olardyń arasynda ártúrli kásip ıeleri, túrli partıa ókilderi bar. Ortasha jasy – 46 jas. Bir sózben aıtsaq, halyq ózi tańdaǵan ákimderdiń quramy edáýir jańǵyrdy”, – deıdi prezıdent.

Toqaev byltyr kúzde Qazaqstanda alǵash ret aýdan, oblystyq mańyzy bar qala ákimderiniń saılaýy ótkenin eske saldy. Nátıjesinde elimizde jańa saılaý júıesi iske asady.

“Barlyq óńirde jańa ereje boıynsha 45 ákim saılandy. Saılaý qorytyndysy jan-jaqty zerdelenip, saılanǵan ákimderdiń jumysyna taldaý jasalǵannan keıin kelesi jyldan bastap jańa júıege túpkilikti kóshý týraly túbegeıli sheshim qabyldandy. Aldaǵy ýaqytta aýdandar men oblystyq mańyzy bar qalalardyń ákimderi qazirgi ákimderdiń ókilettikteri (ıaǵnı, rotasıa kezeńderi) aıaqtalýyna baılanysty ótetin tikeleı saılaý arqyly ǵana saılanady. Bul – saıası júıeni ózgertýdegi taǵy bir mańyzdy qadam”, – dedi Toqaev.