Aldymen bir reaktor bolady. Onyń ózi 2500- 3000 MVt turaqty energıa beredi. Kez kelgen ınvestor kúnniń ne jeldiń energıasy úshin kelmeıdi. Investorlarǵa turaqty energıa kózi qajet. Sondyqtan álemdik áıgili kompanıalardy tartqymyz kelse, bizge turaqty energıa kózi qajet, – dedi Beısembaev.

Depýtattyń sózinshe, AES salý - zamannyń talaby.

- AES - óte joǵary tehnologıa. Qazirgi tańda 30 memlekette 200-den astam AES bar. Sol stansıalardy 400-den astam reaktorlar jumys isteıdi. Biz AES degende “Chernobyl” men “Fýkýsımany” eske alamyz. Alaıda atalǵan elder AES-ten bas tartyp otyrǵan joq. Kórshimiz Qytaı eli aldaǵy 10 jyldyqta 50 reaktor salaıyn dep jatyr, – dedi májilismen.

Eske salsaq, keshe Prezıdent Qasym-Jomart Toqaev Qazaqstan halqyna Joldaýyn jarıalady. Onda Prezıdent úkimettiń usynysyn qoldap, AES boıynsha referendýmdy 6 qazan ótkizýdi belgiledi.