Taraz qalasynda er adam pyshaqpen avtobýs júrgizýshisin jaralap, oqıǵa ornynan qashyp ketken.

Jambyl oblystyq polısıa departamenti 1991 jyly týǵan Maqsat Muqanov esimdi azamatty kúdikti retinde tanyp, oǵan izdeý jarıalady.

Polısıa habarlamasynda kúdikti orta boıly (168-170 sm), tyǵyrshyq deneli, qara shashty, dóńgelek júzdi, qyr muryndy, erni qalyń adam dep sıpattalǵan. Ústine qońyr fýtbolka, qońyr shalbar kıgen, aıaǵynda qara krosovkı. Polısıa kúdiktiniń qolynda pyshaq bolýy múmkin ekenin eskertedi.

Jergilikti jýrnalıs Nuradın Rakaı arnaıy kúdikti oblystyq psıhıkalyq densaýlyq ortalyǵynan qashyp ketti delingen naýqas bolýy múmkin ekenin aıtady. 

Alaıda Jambyl oblystyq psıhıkalyq densaýlyq ortalyǵy mekemeden eshbir naýqastyń qashpaǵanyn málim etti.