«Azamattarǵa tıisti ýchaskelik komısıalardyń úı-jaılarynda tizimdermen tanysý, sondaı-aq olarǵa engizilgen ózderi týraly derekterdiń durystyǵyn tekserý múmkindigi qamtamasyz etiledi. Referendým komısıalary múshelerin oqytý semınarlary uıymdastyrylatyn bolady. Respýblıkalyq referendýmǵa qatysýǵa quqyǵy bar azamattardyń tizimderin tıisti jergilikti ákimdikter daýys berýge arnalǵan naqty ýchaskeniń aýmaǵyndaǵy turǵylyqty jeri boıynsha tirkeý negizinde jasaıdy», -dep habarlady oblystyq aýmaqtyq komısıa.
Aýmaqtyq komısıanyń málimetine súıensek, oblystaǵy aýrýhanalar men áskerı bólimshelerde, ýaqytsha ustaý ızolátorynda 11 jabyq ýchaske jumys isteıdi. Oblysta bıylǵy 1 shildedegi málimetke sáıkes respýblıkalyq referendýmǵa qatysýǵa quqyǵy bar 391 937 azamat tirkelgen.
«Azamattardyń turǵylyqty jeri retinde turaqty tirkeý orny esepteledi. Ýaqytsha tirkelgen azamattar tizimge ózderi bergen ótinish negizinde ǵana engizilýi múmkin. Referendým ótkizýdi uıymdastyrý kezeńinde jergilikti atqarýshy organdarǵa azamattardy ýchaskedegi azamattar tizimine engizý týraly habardar etý úshin onlaın servıster, Call-ortalyqtar, ınternet-resýrstar uıymdastyrý usynyldy», -dep málim etti oblystyq aýmaqtyq komısıadan.
Eske sala ketelik, budan buryn Prezıdent respýblıkalyq referendým ótkizý týraly Jarlyqqa qol qoıǵan edi.
Pikir qaldyrý