Qazaqstannyń burynǵy ýaqyt beldeýine kóshý máselesi tek 3 jyldan keıin qarastyrylady. Bul týraly Saýda jáne ıntegrasıa mınıstri Arman Shaqqalıev málimdedi. 

"Ýaqyt beldeýin aýystyrý jónindegi petısıaǵa qatysty jumys toby onyń densaýlyqqa áserin anyqtaý úshin ári ǵylymı zertteýler júrgizýge ýaqyt kerek ekenin aıtty. Densaýlyq saqtaý mınıstrligi aldaǵy 3 jylda ýaqyt beldeýiniń aýysýynyń densaýlyqqa teris áseri týraly zertteý júrgizedi. Al petısıa qabyldanbady" - dedi mınıstr.

Sonymen qatar, Shaqqalıev keıbir narazylyqtyń ýaqyt beldeýinen góri ár azamattyń tutynýshylyq ádetteriniń saldary ekenin atap ótti. 

Aıta keteıik, 1 naýryzda Qazaqstan UTC +5 ýaqyt beldeýine aýysqan. Ýaqyt beldeýiniń aýysýy turǵyndar arasynda narazylyq týdyrǵan edi.