Aqtóbe oblysy Temir aýdany Keńestý aýylynda oqýshylar janjaldasyp, saldarynan Kopın orta mektebiniń 9 synyp oqýshysy qaza tapqan. Bul týraly jergilikti Dıapazon saıty habarlady.

Oblystyq polısıa departamenti faktini rastap, janjal qatysýshylary polısıǵa jetkizilgenin, eki kúdikti ustalǵanyn habarlady.

Aqtóbe oblysy bilim basqarmasynyń basshysy Jaıyq Sultan oqıǵa sabaqtan tys ýaqytta bolǵanyn, mektepte tártipti kúsheıtý jáne býlıngke qarsy sharalar qabyldanǵaly jatqanyn jetkizgen. Onyń aıtýynsha, janjalǵa qatysqan oqýshylar jaǵdaıy jaqsy otbasydan shyqqan, qandaı da bir esepte turmaǵan.

Aqtóbede buǵan deıin de janjal saldarynan 14 jastaǵy oqýshy qaza tapqan. Oqıǵa bıyl sáýirde sport mektepteriniń birinde bolǵan.