7 aqpan kúni Jýrnalısıka fakúltetinde aqyn Muqaǵalı Maqataev shyǵarmashylyǵyna arnalǵan «Jyrlap keldim ómirge...» atty ádebı-dramalyq kesh ótti.  Kesh barysynda qazaq poezıasynyń kógine qanatty jyrlaryn qalyqtatqan, Hantáńirdiń muzbalaǵy, Muqaǵalı aqynnyń el men jer, mahabbat jaıly óleńderi oqylyp, «Aqqýlar uıyqtaǵanda» poemasyna  kompozısıalyq kórinis qoıyldy.  1-kýrs stýdenti Tólepbergen Elaman «Aryz jazyp keteıin» óleńiniń jelisimen Muqaǵalı rólin somdaýy sátti, ári tartymdy keıipker beınesin bere bildi.

Aqynyń  shyǵarmashylyǵy men ómir joly týraly derekti fılm kórsetilip, kórermenderge qyzyqty suraqtar qoıyldy. Sonymen qatar dombyramen aqynnyń Balymbetov Bókenbaı «Esińe meni alǵaısyń» ánin, al Aqqaıyr Jadyra «Sarjaılaý» ánin naqyshyna keltire oryndady.

Kesh sońynda fakúltet dekany, profesor Ó.Ábdımanuly keshti uıymdastyrýshy birinshi kýrs stýdentterine alǵysyn bildirip, rýhanı muralarymyzdy árdaıym qadirlep, qastarlep júrý qajettigin aıtyp, jastarǵa shyǵarmashylyq shabyt tiledi. Keshke qatysqan kafedra meńgerýshileri G.Sultanbaeva, S.Medeýbekuly, kýrator-edvaızer B.Ásembaeva da rýhanı-shyǵarmashylyq keshke qatysýshy talantty stýdentterge tek sáttilik tiledi.

Shoqtyǵy bıik shyǵarmashylyq shyńyna qarap boı túzegen jas aqyndardyń qalamy qarymdy bolsyn demekpiz!

Álimjanova Áıgerim,

Jýrnalısıka fakúltetiniń oqytýshysy