Qaraǵandy oblysynyń birqatar turǵyndary óz ómirlerindegi eń kúrdeli máseleler boıynsha «Nur Otan» partıasynyń qoǵamdyq qabyldaýynan materıaldyq jáne konsýltatıvtik kómek aldy.
Partıa jaqynda halyqaralyq baıqaýdan birinshi oryn alǵan jas ánshiniń baıqaýǵa qatysýyna jaǵdaı jasap, qarjylandyrdy, al keshe partıa múgedek adamnyń jumysqa ornalasýyna kómektesti.
Sońǵy jyldarda «Nur Otan» partıasynyń qoǵamdyq qabyldaýynyń adam problemalaryna mán berýdiń tıimdi júıesine aınalǵanyn ýaqyttyń ózi dáleldep otyr. Bul memlekettik qurylymdar men azamattardyń arasyndaǵy mańyzdy bólik bolyp otyr. Árbir qazaqstandyq, ásirese alys aýyldarda turatyndar óziniń problemalaryn sheship berýdi aıtý úshin basshysyna nemese basqa basqarmalardyń basshylyǵyna tez kirip-shyǵa almaıdy, sol úshin birneshe saǵat ýaqytyn joǵaltady, al«Nur Otan» partıasy bolsa osy eki aradaǵy kedergini joıatyn, kúrdeli jaǵdaıdy sheshýge múmkindik jasaıtyn kópir.
Partıanyń Qaraǵandy oblystyq fılıalynda jáne aýdandyq bólimshelerinde jumys isteıtin qoǵamdyq qabyldaýlar ártúrli turmystyq mańyzy bar máselelerdi sheshýge kómek kórsetedi. Mysaly, Jezqazǵan qalasynyń turǵyny Záýre Qońyrquljınova «Qazaqmys korporasıasy» JSHS janyndaǵy «Nur Otan» partıasynyń qoǵamdyq qabyldaýyna baryp, jetinshi synypta oqıtyn uly Raıymbek Arystanovty Týapse qalasynda ótetin «Lýchshıı ız lýchshıh» atty IV halyqaralyq konkýrs-festıvalǵa barýyna jaǵdaı jasap, materıaldyq kómek kórsetýin surady.
– Meniń ulym estradalyq ánder boıynsha Máskeýde ótken vokalısterdiń rikteý týrynda júldeli oryn alyp, halyqaralyq konkýrsqa joldama aldy. Raıymbek kishkentaı kezinen án aıtady, ártúrli mektepterde bolatyn, qalalyq, oblystyq sharalarǵa, halyqaralyq konkýrstarǵa qatysady. 2012 jyly ol Túrkıada, al byltyr Máskeýde óner kórsetti. Ol óte shıraq bala, oqý ozaty, deıdi Záýre Talǵatqyzy.
Raıymbektiń anasy ulyn konkýrs-festıvalǵa jiberýge jetpeı turǵan 100 myń teńge suraǵan eken. Partıalyqtar bul ótinishti dereý qarap Záýre Qońyrquljınova suraǵan aqshany berdi. Bala senimderin aqtady – ol «Estradalyq vokal» nomınasıasynyń İ dárejeli laýreaty atanyp, júlde alyp keldi.
– Biz ulymyz ekeýmiz «Nur Otan» partıasy fılıalynyń kórsetken kómegine alǵys aıtamyz! Raıymbek shet elde Qaraǵandy oblysynyń atynan halyqaralyq baıqaýda án aıtyp, jeńimpaz atandy. Meniń oıymsha, osyndaı baıqaýlarda balalardyń minezi, lıderlik ustanymy qalyptasady, ózin ózi jetildirýge yqpal etedi. Onyń ústine, bul álemdi kórip, tájirıbe jıný úshin eń jaqsy múmkindik. Osy múmkindikti bizge «Nur Otan» partıasy berdi. Úlken rahmetimizdi aıtamyz! – dep oıymen bólisedi Záýre Qońyrquljınova.
Osy jeńisten keıin jas ónerpaz Raıymbek ónerge birjolata bet burýǵa, ómirin shyǵarmashylyqqa arnaýǵa bel baılady.
Mundaı baıqaýlarǵa qatysý ońaı emes. Ár elderden jınalǵan qatysýshylardyń ishinde kileń myqtylar bolady. Alaıda, ata-anamnyń qoldaýymen jáne partıanyń qarjylaı kómegi arqasynda men jeńiske jettim! – deıdi Raıymbek Arystanov, – men áli de án aıtýmen aınalysa beremin, baıqaýlarǵa qatysamyn. Meniń anama rahmet! «Nur Otanǵa» jáne meniń shyǵarmashylyq jetekshime rahmet!
Qaraǵandy oblysynda ekinshi toptaǵy múgedek te partıa tarapynan qoldaý tapty. Buqar jyraý aýdanyndaǵy Botaqara aýylynyń turǵyndarymen kezdesý jasaǵan «Nur Otan» partıasynyń Qaraǵandy oblystyq fılıaly tóraǵasynyń birinshi orynbasary Qadısha Ospanovaǵa ótinish jasaǵan Erbolat Qyzdarbekov alty aıdan beri jumys taba almaı júrgenin aıtty. Oblystyq partıa fılıaly tóraǵasynyń birinshi orynbasary sol jerde jumyspen qamtý ortalyǵymen baılanys jasap birqatar qurylymdardaǵy vakanttyq jumys oryndaryn anyqtady. Bir saǵattyń ishinde múgedek aýdandyq bólimniń turǵynúı-kommýnaldyq sharýashylyǵynyń, jolaýshylar kóligi jáne avtokólik joldarynyń dıspecheri bolyp jumysqa ornalasty.
– Men sıaqty múmkindikteri shekteýli kóptegen azamattarǵa jumys tabý óte qıyn. Adam jumys istep júrgende óziniń múmkindikterin paıdalana alady. Meni jumysqa ornalastyrǵan «Nur Otan» partıasyna ótinish jasaǵanym óte aqyl boldy, qatty qýanyp otyrmyn, – deıdi rızashylyǵyn bildirgen Erbolat Qyzdarbekov.
Osy aýyldyń taǵy bir turǵyny, bes balany baǵyp otyrǵan jalǵyz basty áke Baqtybaı Qazbekov, oqýshy úsh balasyn mektepke qajetti zattarmen qamtamasyz etýdi surap partıanyń oblystyq fılıaly tóraǵasynyń birinshi orynbasaryna ótinish jasaǵan eken. Bul máseleni sheshý de uzaqqa sozylǵan joq – partıalyq «Mektepke jol» aksıasy aıasynda kómek kórsetilip, jarty saǵattyń ishinde oǵan barlyq mektep jabdyqtaryn
– Kóz jasymdy áreń tejep qaldym. Bes balany jalǵyz asyraý ońaı emes. Partıalyqtar maǵan úlken kómek kórsetti. Eń bastysy – olar meniń balalaryma qýanysh syılady, qazir olar partıa syılaǵan flomasterlermen sýret salady, penal, syzǵysh, plasılın, aspaly sómkelerdi paıdalanyp júr. Osynyń ózi bizge naqty, jedel jáne eń bastysy, janashyrlyqpen jáne syılastyqpen kórsetilgen qamqorlyq, – deıdi jalǵyzbasty áke Baqtybaı Qyzdarbekov.
Derekkóz. Aıqyn-aqparat
