SHQO prokýratýrasy tótenshe jaǵdaılardyń saldaryn oqshaýlaý jáne joıý úshin jasalǵan memlekettik satyp alý sharttarynan jemqorlyq derekteri anyqtalǵanyn habarlady.

Taldaý nátıjesinde 1,4 mlrd teńge somasyna zańsyz jasalǵan 78 kelisim-shart anyqtalǵan.

Osy sharttardy jasaý kezeńinde tótenshe jaǵdaı jarıalanbaǵany, tıisinshe, bir kózden sharttar jasasýǵa negiz bolmaǵany anyqtaldy. Atap aıtqanda, JAO qardy shyǵarý, ákimshilik ǵımarattardy aǵymdaǵy jóndeý, muzdan tazartatyn reagentter jáne t.b. taýarlardy, jumystardy jáne qyzmetterdi satyp aldy. Qoldanystaǵy zańnamada kózdelmegen jaǵdaılarda tikeleı shart jasasý arqyly bir kózden alý tásilimen memlekettik satyp alýdy júzege asyrǵany úshin laýazymdy adamdar ákimshilik jaýapkershilikke tartylady. Búgingi kúnge deıin sheneýnikter 14 mln teńge kóleminde aıyppul tóledi " delingen prokýratýra habarlamasynda.

Qamshy portaly sáýir aıynda Ákimdikter tótenshe jaǵdaıdy paıdalanyp tájirıbesiz kompanıalarǵa mln-dap tender berip jatqanyn habarlaǵan.

Maqalada Shyǵys Qazaqstan oblysy Altaı aýdanynyń ákimdigi men Semeı qalasynyń ákimdigi tenderdi aldyn ala ashyq konkýrs jarıalap ótkizbeı, jylda sý tasıtyn shaqta, aqpan, naýryz aılaryna qaraı "ózderine yńǵaıly" kompanıamen tikeleı bir kózden kelisimshart jasaıtyny aıtylǵan.