Ulttyq qaýipsizdik komıteti Astana jáne Shýchınsk qalalarynda atys qarýy men oq-dárilerdiń zańsyz aınalymyna qatysy bar bir top adamnyń zańǵa qaıshy áreketiniń joly kesilgenin habarlady.

Komıtet málimetinshe, Astanada júrgizilgen tintýler barysynda qańtardaǵy tártipsizdikter kezinde urlanǵan 2 "Kalashnıkov" avtomaty men 43 oq-dári, Shýchınskide – 7 atys qarýy, 4 tapansha jáne 1500-den astam túrli kalıbrli oq-dári alynǵan.

"Jalpy bıylǵy jyldyń basynan UQK polısıa organdarymen birlesip qarýdyń zańsyz aınalymynyń 13 arnasyn, sondaı-aq ony jasyryn jasaıtyn 2 sehty joıdy. 41 avtomat, 203 myltyq, 121 tapansha, 57 qol granatasy, 1 granatatqysh, 44 jarylǵysh qurylǵy jáne ártúrli kalıbrdegi 11 138 patron tárkilendi" delingen UQK taratqan habarlamada.