İri ınvestısıalyq jobalar tutastaı alǵanda el ekonomıkasynyń damý kórsetkishteriniń biri bolyp tabylady. 2024 jyly Qazaqstan óńirlerinde qandaı jobalar bastaldy, al qaısysy iske qosylýy josparlanýda, bul rette qansha jumys orny qurylyp, aqsha jumsaldy, dep jazady Qamshy.kz aqparat agenttigi.

Astana

Aǵymdaǵy jyly elordada 4 myńnan astam jumys ornyn qurýmen 272 mıllıard teńge somasyna 55 jobany iske asyrý josparlanǵan. Bul lıft zaýyty, korpýsty qurastyrý Qyzmet kórsetý ortalyǵy, ishki jáne syrtqy qabyrǵa panelderin óndirý, tigin fabrıkasy, zamanaýı logıstıkalyq ortalyq, medısınalyq ortalyq, fermerler bazary jáne t.b. sıaqty jobalar.

Birinshi jartyjyldyqta 20,3 mıllıard teńgege 12 joba iske qosyldy, bul 361 jumys ornyn qurýǵa múmkindik berdi.

"Negizgi ekonomıkalyq áser jańa jumys oryndaryn qurý, salyq túsimderin ulǵaıtý, sondaı - aq naryqty sapaly jáne básekege qabiletti ónimmen qamtamasyz etý bolyp tabylady", - dep habarlady ákimdik.

Sondaı-aq Freedom Finance Global, China Construction Bank Corporation Astana fılıalynyń, Fix Price Group, GRATA International jáne Binance Kazakhstan Technologies basshylary ınovasıalyq jobalardy, sondaı-aq odan ári damytý josparlaryn qosa alǵanda, óz qyzmetiniń nátıjelerin usyndy.