Osy demalys kúnderi Astanada tanymal DJ Nikita Filatov dıdjeıiniń qatysýymen biregeı velosherý ótti, dep habarlaıdy elorda ákimdiginiń resmı saıty.

Esterińizge sala keteıik, Funny Sport sporttyq marafonynyń basty maqsaty — salaýatty ómir saltyn nasıhattaý jáne sporttyń barlyǵyna qoljetimdi jáne kóńildi bolatynyn kórsetý.

Aıta keteıik, óz velosıpedin almaǵandardy jalǵa alý uıymdastyryldy, bul barlyq tilek bildirýshilerge osy sporttyq merekege qosylýǵa múmkindik berdi.

"Velosherý sporttyń paıdaly ǵana emes, sonymen qatar keremet kóńildi ekenin kórsetti. Kóptegen qatysýshylar uıymdastyrýshylarǵa Astanada alǵash ret ótken osyndaı erekshe formatqa qatysý múmkindigi úshin alǵystaryn bildirdi. Bul is-shara Astana qalasynyń dene shynyqtyrý jáne sport basqarmasynyń qoldaýymen Green Case Group kreatıvti kompanıasy uıymdastyrǵan Funny Sport sporttyq is-sharalar serıasyndaǵy sońǵy akord boldy. Biz DJ-men velojarysqa qatysqandardyń barlyǵyna shyn júrekten alǵysymyzdy bildiremiz. Sizdiń ynta - jigerińiz ben pozıtıvtiligińiz bul oqıǵany erekshe jáne umytylmas etip, ony naǵyz sporttyq merekege aınaldyrdy!"- ,- dedi jobany uıymdastyrýshy Tımýr Esimov.

İs-sharaǵa qatysýshylar 15 shaqyrymdyq qyzyqty marshrýtty ǵana emes, sonymen qatar olardy búkil jolda súıemeldeıtin dınamıkalyq mýzykalyq jıyntyqtardy tamashalady.

Velojarysqa barlyǵy 98 adam qatysty. Tirkelý aıaqtalǵannan keıin olardyń árqaısysy sertıfıkat pen estelik syılyq aldy, bul kúnniń jaǵymdy aıaqtalýy boldy.