İshki ister mınıstri kıberqylmysqa qarsy kúres bólinisiniń qyzmetkerleri Almaty qalasynda tórt call-ortalyqty joıdy, – dep habarlady Polisia.kz.

Mınıstrlik málimetinshe, ınternet-alaıaqtar shetelge, sonyń ishinde Iran, Úndistan, Qytaı, AQSH jáne Malaızıa azamattaryna qońyraý shalyp, olarǵa “joq” ınvestısıalyq mámileler jasaýdy usynǵan.

47 shetel azamaty, sondaı-aq Qazaqstannyń 5 azamaty ustaldy. Olar shetel azamattaryna 2 myńnan astam qońyraý shalǵany anyqtaldy. Tintý barysynda 1,5 myńnan astam telefon, 57 noýtbýk pen kompúter, myńnan astam sim-karta tárkilengen. Qazirgi ýaqytta ustalǵandardyń qazaqstandyqtarǵa qatysty ınternet-alaıaqtyq jasaýǵa qatysy bar-joǵy tekserilip, tergeý amaldary jalǵasyp jatyr.

İİM resmı ókili Shyńǵys Alekeshev alaıaqtardyń qurbany bolmas úshin azamattardy qyraǵy bolyp, tómendegideı jaǵdaılarǵa nazar aýdarýǵa shaqyrady:

♦Sizge messendjerler men áleýmettik jelilerde jiberiletin kúmándi siltemelerge ótpeńiz. Eger silteme boıynsha ótip qoısańyz, onda messendjerińizdi qosylyp turǵan basqa qurylǵylardan ajyratyńyz.

♦ Beıtanys abonentterdiń beıneqońyraýlaryna jaýap bermeńiz.

♦ Eger bireý telefon arqyly nesıe resimdeýdi, múlikti satýdy nemese aqshany “qaýipsiz” shotqa aýdarýdy usynsa – senbeńiz. Quqyq qorǵaý organdary men bank qyzmetkerleri mundaı operasıalardy eshqashan telefon arqyly júrgizbeıdi.

♦Jeke derekterińizdi, bank kartasynyń jaramdylyq merzimin, CVV-kodyn eshkimge bermeńiz.

♦Kúmándi ınvestısıalyq jobalarǵa aqsha salmańyz. Investısıa jasamas buryn qor naryǵyn jáne jobanyń ózin muqıat tekserý qajet.

♦Telefonyńyzǵa qosymshalardy ornatý úshin tek resmı AppStore jáne PlayMarket platformalaryn paıdalanyńyz.