Májiliste qarjy vıse-mınıstri Abzal Beısenbekuly 2025 jylǵa arnalǵan kúsh qurylymdarynyń shyǵystary 109 mlrd teńgege ulǵaıyp, 2,7 trln. teńge kóleminde josparlanyp otyrǵanyn málim etti, dep habarlady qaz.ulysmedia.kz saıty.

Qorǵanys mınıstriniń orynbasary Ásker Beısenov 2025 jyly mınıstrliktiń búdjeti – JİÓ-niń 0,44 paıyzyn, al memlekettik qorǵanys tapsyrys 0,24 paıyzyn quraıtynyn aıtady. Sonda – 0,68 paıyz.

Bul sıfrlardy estigen májilis depýtaty Ermurat Bapı qorǵanys salasyna bólinip jatqan qarjy tym az ekenin aıtyp, 2030 jyly soǵys bolý qaýpi baryn jetkize otyryp, qarjyny arttyrý qajettigine nazar aýdardy.

– Bıylǵy jyly búdjette 0,8, kelesi 0,4 paıyz deısiz. Bul ne qarjylandyrý? Kim jaýap beredi? Qorǵanys mınıstrligi qazir bizdiń qaýip-qater – mamandardyń esebi boıynsha 2030 jyly soǵys bolady. Sondaı táýekel bar. Ony tipti bizdiń qorǵanys vedomstvosynda sondaı boljam bar. Álemdik sarapshylardy esepke almaǵanda! Osyndaı jaǵdaıda bizdiń qorǵanys salasyna 0,4 paıyz – bul ne? Ne zagovor bul? Qaıdan shyqqan esep bul? Biz muny áli kóteremiz! – deıdi Ermurat Bapı.

Májiliste 2025-2027 jyldarǵa arnalǵan búdjet jobasy talqylanyp jatyr.