Aýyl sharýashylyǵy mınıstri Aıdarbek Saparov Almaty oblysynda jumys saparymen júr.

Esik jemis konservi zaýytyn aralaý barysynda mınıstr zaýyttyń zamanaýı óndiristik jelilerin aralap kórdi.

Olardyń qatarynda táýligine 600 tonnaǵa deıin shıkizatty óńdeı alatyn qyzanaqty óńdeýge arnalǵan «Triowin» jelisi, qyzanaq pen almany óńdeýge arnalǵan «Manzini» jelisi, sondaı-aq tomat pastasyn, djem men púreni óndirýge jáne býyp-túıýge arnalǵan joǵary tehnologıalyq jeli bar.

Kásipker Erik Aıdarbaev kásiporyn táýligine 120 tonnaǵa deıin shoǵyrlanǵan alma shyrynyn shyǵaratynyn aıtty. Qalaıy bankalardyń óz óndirisi jolǵa qoıyldy.

«Zaýyt-zamanaýı tehnologıalar men sapaly shıkizattyń básekege qabiletti ónim jasaýǵa múmkindik beretin úlgisi. Mundaı kásiporyndar eldiń azyq-túlik qaýipsizdigin qamtamasyz etýde, jańa jumys oryndaryn qurýda jáne agroónerkásiptik keshenniń damýyna yqpal etýde mańyzdy ról atqarady», - dep atap ótti Aıdarbek Saparov.

Aıta ketý kerek, kompanıanyń 1500 ga jeke aýylsharýashylyq alqaptary jáne 10 000 sharshy metr jylyjaı kesheni bar. Zaýyt ónimderi, onyń ishinde konsentrasıalanǵan shyryndar men púre, tomat pastasy, djemder men kókónis púresi tek Qazaqstanda ǵana emes, shetelde de suranysqa ıe.