​«Taza Qazaqstan» respýblıkalyq aksıasy boıynsha Mańǵystaýda tarıhı-mádenı eskertkishter aýmaǵy abattandyrylýda. Sonyń biri, Beıneý aýdanyndaǵy Eset eldi mekeninen 7 shaqyrymda ornalasqan - «Qyz áýlıe» qorymynyń aýmaǵynda senbilik ótkizildi.

​Aksıaǵa Eset aýyly ákimi apparatynyń qyzmetkerleri, turǵyndary bilim jáne mádenıet salasynyń qyzmetkerleri qatysyp, ólke tazalyǵyna óz úlesterin qosty.

​- Qazirgi tańda «Taza Qazaqstan» aksıasy aıasynda barlyq óńirlerde senbilik jumystary júrgizilip jatyr. Osy maqsatta «Qyz áýlıe» qorymynda senbilik jumystaryn júrgizýdemiz. Óńir tazalyǵy - barshaǵa ortaq is. Sondyqtan, mańǵystaýlyqtardy osy ıgi iske belsene atsalysýǵa shaqyramyn, - dedi Eset aýylynyń belsendi jasy Erlan Ishmýratov.

​Eset aýylynyń ákimi Meıramǵalı Qanıev oń bastamany qoldaıtynyn atap ótti.

​- Týǵan ólkeniń tazalyǵyna atsalysý - árbir azamattyń mindeti. Ár senbi saıyn árbir turǵyn óz aýlasyna aǵash otyrǵyzyp, qoqystan tazartsa, aımaǵymyz jasyl jelekpen kómkeriler me edi. Osyndaı senbilik jumystaryn jıi ótkizýdi qoldaımyn, - dedi Meıramǵalı Qanıev.