Sarhat Beısenova Sanıtarıalyq-epıdemıologıalyq baqylaý komıtetiniń tóraǵasy – QR Bas memlekettik sanıtarlyq dárigeri bolyp taǵaıyndaldy. Bul týraly úkimettiń baspasóz qyzmeti habarlady.
Ómirbaıany
Sarhat Beısenova 1972 jyly Aqmola oblysynda dúnıege kelgen. Qaraǵandy memlekettik medısına ınstıtýtyn, Turan-Astana ýnıversıtetin bitirgen.
Eńbek joly
1989 jyly Aqmola oblystyq onkologıa dıspanserinde sanıtar bolyp bastaǵan.
Ár jyldary Aqmola qalasy Sanıtarıalyq-epıdemıologıalyq stansasynyń dáriger-epıdemıology, departamenti bóliminiń basshysy, Tutynýshylardyń quqyqtaryn qorǵaý departamentiniń basshysy, Astana qalasy Qoǵamdyq densaýlyq saqtaý departamenti basshysynyń orynbasary qyzmetterin atqarǵan.
2019-2020 jyldary — Densaýlyq saqtaý mınıstrligine qarasty Astana qalasy taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary, 2020 jyldan bastap qazirgi ýaqytqa deıin — Astana qalasy sanıtarıalyq-epıdemıologıalyq baqylaý departamentiniń basshysy bolǵan.
Pikir qaldyrý