Arys garnızonyndaǵy áskerı bólimde kelisim-shartpen qyzmet etip jatqan áskerı qyzmetshi ózine qol jumsamaq bolǵan.
Shymkent garnızony taratqan aqparatqa qaraǵanda, qyzmetker táýliktik kezekshiligi kezinde travmatıkalyq qarýmen óziniń basynan atyp sýısıd jasamaq bolǵan. Aqparatta áskerı qyzmetker otbasylyq máselelerge baılanysty ózine qol salmaq bolǵany aıtylady.
Áskerı qyzmetker aýdandyq aýrýhanaǵa jetkizilgen. Jaǵdaıy turaqty aýyr, dese de ómirine qaýip tónip turǵan joq.
Atalǵan derek boıynsha qylmystyq is qozǵalyp, tekserý júrip jatyr.
Pikir qaldyrý