Amır Tashmetov - mobılograf. Ol Aqtaýda ótip jatqan mobılografıa festıvaline arnaıy spıker bolyp kelgen. Onyń aıtýynsha qazirdiń ózinde elektr energıasyn únemdeý qajet. Sondaı-aq, ol AES bolǵan jaǵdaıda elektr qýaty jetkilikti bolýy múmkin dep sanaıdy, Bul týraly Qoǵamdyq komýnıkasıa ortalyǵy habarlaıdy.

Mobılograftar festıvali 22 qyrkúıek kúni qala kúnine oraı uıymdastyrylǵan.
İs-shara zamanaýı jáne qyzyqty mamandyq ókilderine arnalǵan.

Spıkerdiń aıtýynsha, mobılograftardyń barlyq jumysy telefon jáne basqa tehnıkalar arqyly júzege asady. Amır Tashmetov qatysýshylarǵa elektr energıasy bolashaq urpaq úshin qanshalyqty mańyzdy ekenin atap ótti.

- Almatyda aýa lastanǵan, al Aqtaýda elektr qýatymen jabdyqtaý jelilerinde máseleler bar. Biz elektr energıasyn kózimizdiń qarashyǵyndaı saqtaýymyz kerek. Óıtkeni qazirgi tańda energıa tapshylyǵy seziledi. Biraq bul másele jaqyn arada sheshiledi dep úmittenemin. Elimiz atom elektr stansıalaryn salý týraly durys sheshim qabyldaıdy dep senemin. Men bolashaqqa zor úmitpen qaraımyn, - deıdi Amır Tashmetov.