Antıkor basshysy orynbasarynyń aıtýynsha, bilim berý salasyn tekserý barysynda “jaǵaustatarlyq jemqorlyq derekteri” anyqtalǵan. Sózinshe, sońǵy eki jylda kelgen shyǵyn 17 mıllıard teńgege jýyqtaǵan. 

“Bul másele quzyrly organdar, tıisti mınıstrlik tarapynan qaralyp jatyr. Biz teksere bastaǵan sońǵy eki jyl – 2022 jáne 2023 jyldary kelgen shyǵyn 17 mıllıard teńgege jýyqtaıdy. Bul – óte úlken soma. Máselen, bir ǵana Taldyqorǵan qalasynda bilim bóliminiń basshysy, bas býhgalter men birneshe mektep dırektory 4 mıllıard teńgege jýyq qarjy jymqyrǵan. Ustaý kezinde kólikten 1 mıllıard teńgegeg jýyq aqsha tabyldy. Osyndaı derekter ózge de aımaqtarda anyqtaldy”, – dedi ol. 

Ulan Sarqulovtyń málimdeýinshe, bilim berý salasyndaǵy jemqorlyq derekterin azaıtý úshin sıfrlandyrý máselesi qolǵa alynǵan.

“Biz de sıfrlandyrý prosesine qatysyp jatyrmyz, sıfrlyq damý mınıstrligimen etene jumys isteımiz. Qazir keı aqparattyq tehnologıalardyń engizilgenin kórip otyrmyz. Onyń ústine jemqorlyq derekteri de azaıa túsken. 2024 jyly bilim berý salasynda jemqorlyqtan kelgen shyǵyn 7 mıllıon teńge shamasynda”, – dep túıindedi ol.