Ulttyq bank "Júrekten júrekke" monetalar serıasynan “Shańyraǵyńyz shattyqqa tolsyn” koleksıalyq monetalaryn aınalymǵa shyǵaratynyn málimdedi.

"Shańyraǵyńyz shattyqqa tolsyn (Úıińde tynyshtyq bolsyn) monetasy jer betindegi beıbitshilik pen oshaq jylýyn bildiredi. "Shańyraǵyńyz shattyqqa tolsyn" degen sózder adamdar bir-birimen tatý-tátti ómir súrsin, úı ıelerine tynyshtyq pen bereke bolsyn degen tilektk aıtylady”, – delingen habarlamada.

Monetada terezeniń jaqtaýynda jatqan mysyqtyń sýreti bar. Sondaı-aq shańyraqtyń, oıý men taǵanyń sýretin de baıqaýǵa bolady. Bul monetalar 925/1000 synamaly kúmisten jasalǵan, massasy – 31,1 gram, dıametri – 38,61 mm, nomınaly – 1000 teńge. Tıynnyń taralymy – 2000 dana.

“Koleksıalyq monetalar Qazaqstan Respýblıkasynyń búkil aýmaǵynda nomınaldy quny boıynsha tólemniń barlyq túrleri úshin, sondaı-aq bank shottaryna esepke alý úshin jáne elimizdiń barlyq bankterinde aýdarý, maıdalaý jáne aıyrbastaý úshin qabyldanýǵa mindetti”, – dep jazdy Ulttyq bank.