Al kerisinshe sýdy kóp mólsherde paıdalanǵan adamnyń komýnaldyq tólemi de birden eki-úsh esege artatyn bolady. 

• 1 m³ – 55 teńge 
• 3 m³ – 73,92 teńge 
• 3 m³ – 5 m³   = 88 teńge 
• 5 m³ – 10 m³ = 110 teńge

"Ótkende ǵana jaryqty kóterdi. Endi sýdyń baǵasy deıdi. Eger aılyq kóterilse, jaraıdy. Onda kóterilýi múmkin bolatyn edi. Halyqta qazir aılyq tómen", – dedi almatylyq turǵyn.

Turǵyndardyń biri sýdyń baǵasyn kótergenshe, aılyqty kótersin dep talap etti. Olardyń aıtýynsha, sýǵa azamattar 30 myń teńge tóleıdi.

Aıta keteıik, qyrkúıekten bastap jeke tulǵalar úshin tarıf tórt topqa bólinip esepteledi. Máselen, aıyna úsh tekshe metrge deıin tutynatyn bolsańyz bir adamǵa bir tekshe metr úshin 73 teńgege jazylady. Al úshten bes tekshe metrge 88 teńge bolsa, besten on tekshe metrge deıin tutyný quny 110 teńge shyǵady. 

"Almaty sý" MKK ótim departamentiniń dırektory Serik Shagırov sýdy únemdegen turǵyndyrǵa bul áser etpeıtinin aıtty.

"Qazir esepteýish qurylǵylary bar turǵyndar jeke menshik úı bolsyn, páter bolsyn keminde 3 adam bar. Keıbireýinde 3-4 adam bolsa, onyń paıdalantyn kólemi 1 aıǵa 8-10 tekshe metrden asady. Sondyqtan sýdy únemdep, ashyp qoımaý kerek. Santehnıkalaryn bárin durystap, babynda saqtaıtyn turǵyndar esh áserin tıgizbeıdi. Sýdyń kólemi ár adamǵa 3 tekshe metrden 9 tekshemetr eń tómengi tarıfpen tóleıdi. Kelesi 2 tekshe metrden 6 tekshemetr ekinshi tarıf, kelesi ár adamǵa 1 adamǵa 5 tekshe metr 3 toptamamen 3 adamǵa sanaǵanda 15 tekshe metr. Bul somadan tys paıdalanǵan sýdyń kólemi eń qymbat tarıfpen tólenetin bolady”, – dedi Serik Shagırov.