Aýyl sharýashylyǵy mınıstrliginiń málimdeýinshe, is-sharanyń negizgi maqsaty – 2025 jyly negizgi sanaqqa daıyndyq retinde derekterdi jınaý ádisterin, sanaq paraqtaryn jáne baǵdarlamalardy synaqtan ótkizý.

Sanaqqa zańdy tulǵalar, olardyń qurylymdyq bólimsheleri, jeke kásipkerler, sonyń ishinde sharýa jáne fermer qojalyqtary, sondaı-aq aýyl sharýashylyǵymen aınalysatyn úı sharýashylyqtary qatysty.

Pılottyq sanaq eki jolmen júrgizildi: sanaq.gov.kz saıtynda onlaın jáne planshet qoldana otyryp, úı sharýashylyǵyn aralaý arqyly. Saýalnamany Ulttyq statısıka búrosynyń aýmaqtyq bólimsheleriniń qyzmetkerleri eldegi ár óńirdiń eki aýyldyq jáne bir qalalyq eldi mekeninde, barlyǵy 54 eldi mekende ıntervúerlerdi tartpaı júzege asyrdy.

Aldyn ala málimetter boıynsha, pılottyq sanaqqa 44 myń respondent qatysty, olardyń 31,8 myńy – úı sharýashylyqtary, al 12,3 myńy – sharýashylyq júrgizýshi sýbektileri. Aıta keteıik, 2025 jyly negizgi aýyl sharýashylyǵy sanaǵy 1 tamyz ben 20 qazan aralyǵynda ótedi.