Depýtat Reseı sanksıanyń astynda bolǵandyqtan, Qazaqstanǵa atom elektr stansıasyn sala almaıtyndyǵyn aıtty.

«Reseı AES-ti sala almaıdy. Oǵan eshkim múmkindik te bermeıdi. Olar reaktorlaryn syrtqa shyǵara almaıdy. Onsyz da sanksıanyń astynda. Qazir uıymnyń talabyn kórgen shyǵarsyzdar, budan keıin kez kelgen AES-ti bir memleket sala almaıdy. Iaǵnı, eń tehnologıasy ozyq Fransıa salsa, ne bolmasa Ońtústik Koreıa salsa, solarǵa biz táýeldi bolyp qalmaımyz ba degen ýaıymdaýshylyq bar. Sondyqtan salynǵan kúnniń ózinde de halyqaralyq konsorsıým qurylady. Endi jańa májiliste de Katar memleketi, Birikken Arab Ámirlikteri ınvestısıa quıyp jatqany aıtyldy. Qazir toqty qaıdan alyp otyrmyz. Ábden tozyǵy jetken jylý elektr stansıalaryn jańartýǵa kún, jel, sý elektr stansıalaryn qatar damytatyn bolamyz. Shynymen energetıkalyq táýelsizdikke qol jetkizgimiz kelse, osy baǵyttardyń barlyǵyn qatar alý kerek dep esepteımin», – deıdi.